Англия терма жамоаси ва Лондоннинг "Арсенал" клуби ҳужумкор ярим ҳимоячиси Букайо Сака испан гранди қизиқишлари доирасига тушиб қолди. Todofichajes нашри тарқатган хабарга кўра 23 ёшли вингерни Мадриднинг "Реал" клуби ўз сафига қўшиб олмоқчи.
"Қироллик клуби" раҳбарияти Букайонинг Европа Чемпионлар лигаси чорак финалидаги ўйинларидан ҳайратда қолди. Эслатиб ўтамиз, "Реал" икки ўйин натижасига кўра "канонирлар"га 1:5 ҳисобида имкониятни бой бериб, нуфузли турнирни тарк этди.
Сака "Арсенал" билан 2027 йилнинг ярмигача мўлжалланган меҳнат шартномасига эга. Унинг transfermarkt порталидаги нархи 150 миллион еврога баҳоланмоқда.
