Мадриднинг "Реал" клуби бош мураббийи Карло Анчелотти "Атлетик Бильбао"га қарши ўйиндан олдинги матбуот анжуманида ЕЧЛда "Арсенал"дан мағлуб бўлиб турнирни тарк этгани ҳақида гапирди.
"Арсенал"га енгилганимиздан сўнг клуб раҳбарияти ва ўйинчилар билан суҳбатлашдик. Барчамиз ЧЛдан чиқиб кетганимиздан хафа бўлдик, чунки бу энг муҳим турнир. Аммо бу футбол, бу спорт турида доим ҳам ғалаба қозониб бўлмайди. Шунга қарамай, Қирол кубоги финали ва Ла Лига чемпионлиги ҳам муҳим аҳамиятга эга.
"Канонирлар"га мағлуб бўлганимиздан кейин мени энг кўп хафа қилган нарса нима? Менимча, сўнгги 10 йил ичида 30 га яқин соврин қўлга киритган клубни шубҳа остига олиш нотўғри", - деди италиялик 65 ёшли мутахассис.
