"Астон Вилла" ярим ҳимоячиси Морган Роджерс Англия Премьер-лигасининг яна бир гранди трансфер мақсадига айланди.
22 ёшли футболчига аввалроқ "Манчестер Сити," "Манчестер Юнайтед," "Арсенал" ва "ПСЖ" клублари қизиқиш билдираётган эди. "Empire of the KOP" нашри тарқатган хабарга кўра "Ливерпуль" юқоридаги клубларнинг барчаси устидан ҳужумкор хавбек учун курашда ғалаба қозонишга қатъий бел боғлаган. "Қизиллар" раҳбарияти "Вилла" етакчисини яқинлашиб келаётган трансфер ойнасидаги устувор мақсад сифатида белгилади.
Transfermarkt портали баҳосига кўра, Морган Рожерснинг нархи 50 млн еврога тенг.













