"Наполи" бош мураббийи Антонио Конте "Ювентус"даги шундай лавозимга номзод бўлиб қолмоқда.

Март ойида "Бьянконерилар" Тьяго Моттани ишдан бўшатиб, Игор Тудорни тайинлади. Хорватнинг шартномаси мавсум охиригача мўлжалланган - томонлар ёзда ҳамкорликни давом эттириши ҳозирча номаълум. "Ювентус" раҳбарияти ҳамон Контенинг қайтиши эҳтимоли ҳақида ўйламоқда. Турин клубида жамоанинг яна А Серия чемпионлиги учун курашишини исташмоқда ва "Наполи"нинг ҳозирги устози бу мақсадга қисқа вақт ичида эриша оладиган одам сифатида кўринмоқда.

Антонио Контенинг "Наполи" билан амалдаги шартномаси 2027 йилгача мўлжалланган, бироқ мураббий таркибни кучайтиришга кафолат берилмаса, келаси ёзда истеъфога чиқиши мумкинлиги тахмин қилинмоқда.