"Наполи" бош мураббийи Антонио Конте А Серия 33-туридан ўрин олган "Монца"га (1:0) қарши ўйиндан сўнг журналистлар саволларига жавоб қайтарди.
Неаполликларга уч очкони 72-дақиқада Скотт Мактоминайнинг голи келтирди. Конте жамоаси ҳисобида 71 очко бор - бу турда ҳали ўйнамаган пешқадам "Интер" билан бир хил.
"Биз ўйинни назорат қилишга ҳаракат қилдик, режага амал қилдик, аммо шу билан бирга бизга рақиб жарима майдонида футболчилар етишмади, шунинг учун голли вазиятлар кўп бўлмади.
Ким нима дейишидан қатъи назар, биз ҳамон "Интер" билан курашаётганимизни ақл бовар қилмайдиган факт деб ҳисоблайман. Бу кутилмаганда, ҳайратланарли, ҳеч ким мавсум бошида бундай сценарийни олдиндан кўра олмаган. Бизга кўп нарса қарши, лекин биз қийинчиликларни муваффақиятли енгиб ўтмоқдамиз. Футболчилар мақтовга лойиқ," - деди Конте ўйиндан кейинги интервьюсида.
