"Манчестер Сити" сафарда "Эвертон"ни 2:0 ҳисобида мағлуб этди. Ўйиндан кейин "шаҳарликлар" ярим ҳимоячиси Илкай Гюндоган ўз фикрларини билдирди.
"Кўп ишлашимизга тўғри келди. Рақибнинг ўйинга бўлган ёндашувини ҳисобга олган ҳолда, бу стадионда ўйнаш ҳар доим қийин. Биз эҳтиёткор бўлишимиз керак эди. Балки бошида катта таваккал қилишни хоҳламагандирмиз. Иккинчи бўлимда кўпроқ ўзимизни кўрсатишни хоҳладик ва буни қойилмақом тарзда уддаладик. Биз уч очкога лойиқ эдик," - деди Гюндоган.













