"Манчестер Юнайтед" мухлислари "Олд Траффорд"да навбатдаги норозилик намойишини ўтказишди.

"Вулверхэмптон"га қарши АПЛнинг 33-тури олдидан "Манчестер Юнайтед" мухлислари клубнинг захира ўриндиқларига яқин жойлашган 500 га яқин абонемент эгаларини стадионда премиум зоналар яратиш учун кўчириш режасидан норозиликларини билдиришди.

Бугунги ўйин бошланишидан олдин жамоалар майдонга тушиши билан "Манчестер Юнайтед" мухлислари баннерларни кўтариб, уларни клуб хўжайини Жим Рэтклифф ўтирган трибуна томон буришди.

Баннерларга "Ўз хатоларингни ўзинг тўла, лекин менинг ўрним билан эмас, "Уят", "Ўн йиллик фидойилик 80 кумуш тангага сотилди", "50 йил, бир оила. Эҳтирос учун эмас, фойда учун яратилган. Клубни биз қурганмиз", "Пул садоқатдан муҳим", "Саёҳлар мухлислардан муҳим".

"Манчестер Юнайтед" мухлислари аввалроқ бир неча бор чипталар нархи ошишига қарши чиқишган.