"Манчестер Юнайтед" бош мураббийи Рубен Аморим Англия Премьер-лигасининг 33-турида "Вулверхэмптон"га қарши ўйиндаги мағлубиятдан сўнг (0:1) клуб мухлисларига мурожаат қилди.
"Мухлисларга ростини айтамиз, жамоамизда бизга кўп нарса етишмайди, имкониятларни қўлдан бой беряпмиз. Агар гол урмасак, ғалаба қозона олмаймиз. Ва бизда қиладиган ишлар кўп ва жамоани босқичма-босқич яхшилашга эътибор қаратишимиз ва мавсум охиригача шундай бўлишини тушунишимиз керак. Кейин нимадир қилишимиз керак", - деди Аморим "Манчестер Юнайтед" расмий сайтига.
"Манчестер Юнайтед" Англия Премьер-лигаси турнир жадвалида 14-ўринни эгаллаб турибди. Жамоа 33 учрашувда 38 очко жамғарган.
