"Барселона"нинг чап қанот ҳимоячиси, "Комо" сафида ижара асосида тўп тепаётган Алекс Валле фаолиятини Германия чемпионатида давом эттириши мумкин.
20 ёшли футболчи январь ойида қўшилган Сеск Фабрегас жамоасида ўзини кўрсата олди. Журналист Габриэл Санснинг ёзишича, испаниялик ёш футболчининг муваффақиятларини Дортмунднинг "Боруссия" клуби кузатиб бормоқда. Ёзда, агар Каталония гранди уни сотиш учун очиқ бўлса, "асаларилар" латерални имзолашга ҳаракат қилишлари мумкин.
Алекс Валле "Комо" сафида А Серияда 11 та ўйинда майдонга тушган.













