Миланнинг "Интер" клуби бош мураббийи Симоне Индзаги жамоасининг "Болонья"га (0:1) қарши ўйиндаги муваффақиятсизлигидан сўнг ўз фикрлари билан ўртоқлашди.
"Болонья" зўр тайёргарлик кўрди, лекин биз ҳақимизда ҳам шундай дейиш мумкин. Ўйин тенг бўлди, шунинг учун бундай ютқазиш алам қилади, лекин биз оёққа турамиз. Мавсум шу билан тугамайди. Бўлиб ўтган воқеаларнинг барчасини, ҳатто бундай бемаъни голни ҳам қабул қилишимиз ва олдинга юришимиз керак," - деди Индзаги DAZN билан суҳбатда.













