Мадриднинг "Реал" клуби дарвозабони Тибо Куртуа "Атлетик" устидан минимал ҳисобдаги ғалабадан сўнг жамоадоши Федерико Вальверде ҳақида гапирди.

Уругвайлик футболчи иккинчи бўлимга қўшиб берилган учинчи дақиқада дарвозани ишғол қилиб, "қаймоқранглилар"ни очко йўқотишдан сақлаб қолди.

"Феде қобилиятига яраша ажойиб гол урди. Унинг зарбаси жуда яхши, лекин ғалати. Кеча машғулотда у шундай зарба берди ва мен ундан сўрадим: "Буни қандай қиласан?" У кучли зарба бермоқда, тўп йўналишини кескин ўзгартирмоқда. У машғулотларда доимо шундай қилади. Биз кўп йиллардан бери унга: "Теп, теп, теп," деймиз. Унда ажойиб зарба бор ва бугун у буни намойиш этди," - дея Куртуанинг сўзларини келтиради Madrid Universal.