Мадриднинг "Реал" клуби устози Карло Анчелотти мавсумнинг қолган ўйинлари ҳақида ўз фикрларини билдириб ўтди.
Яқинда "қаймоқранглилар" 1/4 финалда Лондоннинг "Арсенал" клубига имкониятни бой бериб, Чемпионлар Лигасини тарк этишди. Мадридликлар Ла Лига чемпионлиги учун курашни "Барселона" билан давом эттирмоқда, улар билан Испания кубоги финалида ҳам ўйнашади.
"Мухлислар Чемпионлар Лигасидан чиқиб кетганимиздан кейин бизни қўллаб-қувватлашига шубҳа қилмадим. Биз ҳам худди улар каби бу мавсумда яна нимадир қила олишимизга ишонамиз," - деди Анчелотти "Атлетик" устидан қозонилган ғалабадан (1:0) кейин берган интервьюсида.
