Винисиус Жуниор "Атлетик"га қарши ўйинда (1:0) майдонга тушди. Натижада бразилиялик Мадрид клуби таркибида ўзининг 200-ғалабасини қўлга киритди.

Бразилиялик футболчи бу натижага 311 та ўйин ўтказиб, 105 та гол урганидан кейин эришди. Унинг илк ғалабаси 2018-йилнинг 31-октябрида Испания кубоги доирасидаги “Мелилья”га қарши ўйинда (4:0) қўлга киритилган. Ўшандан бери у Мадрид клуби билан 14 та совринни қўлга киритган.

Бу мавсумда бразилиялик футболчи “Реал” сафида барча турнирларда 46 та ўйинда майдонга тушиб, 20 та гол ва 14 та голли узатмага муаллифлик қилган.