"Ливерпуль" футболчилари "Арсенал" ўйинини биргаликда томоша қилишлари мумкин.
Бу ҳақда мерсисайдликлар ҳимоячиси Виржил ван Дейк айтиб ўтди.
Арне Слот шогирдлари 33 ўйиндан сўнг 79 очко билан АПЛ турнир жадвалида пешқадамлик қилмоқда ва "Арсенал"дан 13 очко олдинда. Агар "канонирлар" 23 апрель куни "Кристал Пэлас"га ютқазса, "Ливерпуль" муддатидан аввал чемпион бўлади.
"Билмайман. Балки. Тўғрисини айтсам, "Арсенал" ўз уйида ғалаба қозонишини кутяпман, лекин агар ғалаба қозона олмаса, менимча, жамоа билан бирга бўлиш ажойиб бўларди", — деди ван Дейк.
