"Манчестер Сити" марказий ҳимоячиси Рубен Диаш Чемпионлар лигаси йўлланмалари учун кураш ҳақидаги саволга жавоб берди.
“Шаҳарликлар” 33-турдан кейин АПЛ турнир жадвалида бешинчи ўринни эгаллаб турибди, аммо улардан пастда жойлашган “Челси” ва “Астон Вилла” бир очкога ортда қолмоқда. Сешанба куни Хосеп Гвардиола шогирдлари “вилланлар”га қарши майдонга тушади.
"Бизни Чемпионлар лигаси йўлланмаси учун қийин кураш кутмоқда - барчаси буни кимга кўпроқ хоҳлашига боғлиқ. Бу осон бўлмаслигини биламиз, лекин курашяпмиз. Биз қўлимиздан келганини қиламиз. "Эвертон"га қарши ғалабадан кейин ўзимизни яхши ҳис қиляпмиз", - дейди ҳимоячи.
"Манчестер Сити" - "Астон Вилла" учрашуви бугун бўлиб ўтади.
