"Барселона" ва Испания терма жамоаси вингери Ламин Ямал Laureus талқинига кўра йилнинг энг яхши ёш спортчиси деб топилди. 17 ёшли футболчи бу мукофотни олганига муносабат билдирди.

"Мен бу мукофотни олишда сизлар билан бирга бўлишни жуда хоҳлардим, лекин афсуски, бу сафар бу имкон бўлмади.

Аввало, ушбу мукофот учун "Laureus" академиясига чуқур миннатдорчилик билдираман. Бундай юксак эътироф мен ва оилам учун катта шарафдир.

Терма жамоамизнинг бутун техник ходимларини эслаб ўтмасдан бўлмайди. Шунингдек, "Барcелона" клубига ва, албатта, жамоадошларимга ҳам — улар бўлмаганда бу ерга келолмасдим.

Умид қиламанки, келажакда ҳам жамоавий ютуқларга эришишда давом этамиз. Чунки охир-оқибатда ҳаммамиз интилаётган нарса айнан шу — биргаликдаги муваффақият.

Бу мукофотни олганимдан бениҳоя хурсандман. Келгусида ҳам шунга ўхшаш ишларда қатнашиб, яна янги ютуқларга эришишга ҳаракат қиламан", - деди Ламин Ямал.