“Олтин тўп”нинг собиқ совриндори Луиш Фигу “Реал Мадрид” клубининг амалдаги бош мураббийи Карло Анчелоттини истеъфога чиқариш режасидан ҳайратда эканлигини билдирди.
"Бу, албатта, Флорентино Переснинг иши, лекин, очиғини айтсам, мен шахсан ҳайронман. Футболда одамларнинг хотираси қисқа, фақат энг сўнгги натижалар муҳимдек туюлади уларга.
Анчелоттидек мураббийнинг ютуқларига беписанд муносабатда бўлиш менга ғалати туюлади.
У барча совринларда ғалаба қозонган ва ҳар йили у ўзининг қадр-қимматини исботламоқда", - дейди Фигу.













