Англия чемпионатининг 34-тур учрашувларига старт берилди.
“Манчестер Сити” ўз майдонида “Астон Вилла”ни қабул қилди ва 2:1 ҳисобида ғалаба қозонди. Бельгиялик ярим ҳимоячи Юри Тилеманс ўз клубининг мағлубияти сабаблари ҳақида фикр билдирди, у жуда хафа бўлганини яширмайди.
"Сўнгги дақиқада гол ўтказиб юбориш ҳар доим кишини хафа қилади! Айниқса, бундай ўйиндан сўнг, биз боримизни берганимизда янада аламли.
Лекин бизда гол уриш учун ҳам имконият бор эди, биз ундан фойдалана олмадик.
Бу – футбол. Ҳали тўртта ўйин бор, биз яна яхши натижа учун боримизни бериб, Чемпионлар Лигаси зонасидаги ўрнимизга қайтишга ҳаракат қиламиз", - дейди футболчи.
