Англия терма жамоасининг собиқ футболчиси Гари Невилл Куньянинг "Манчестер Юнайтед"га ўтиши ҳақида фикр билдирди. "Вулверхэмптон" футболчиси 72 миллион евро эвазига жамоасини ўзгартириши кутилмоқда.
"Уларга бу ўйинчи жуда керак, у бу тизимга тўғри келади. Санчо, Антони ва Рэшфордни қўйиб юборган "Манчестер Юнайтед" ҳозир қандай ўйнаётганини эсланг. Уларга рақиб ўйинчиларини мағлуб эта оладиган одам керак", дейди Невилл.
Жорий мавсумда 25 ёшли бразилиялик барча турнирларда 31 та ўйин ўтказиб, 16 та гол урди ва 4 та голли узатмани амалга оширди.













