"Милан" бош мураббийи Сержиу Консейсау 23 апрель куни бўлиб ўтадиган "Интер"га қарши Италия кубоги 1/2 финали жавоб ўйини ҳақидаги тахминлари билан ўртоқлашди.
"Катта клублар барча мусобақаларда охиригача интилади. "Интер"ни Чемпионлар лигаси ва чемпионатдаги муваффақиятли натижалари билан табриклаймиз. Бу биз учун фундаментал ўйин, биз ғалаба қозонишни ва мухлисларга ушбу кубокни беришни жуда хоҳлаймиз.
Биз ажойиб ўйин ўтказишимиз ва жуда рақобатбардош бўлишимиз керак. Ҳар бир учрашув бошқача. Жорий мавсумда “Интер” билан тўртинчи бор тўқнаш келдим: ҳар бир ўйин натижаси бизнинг ҳаракатларимизга боғлиқ", — деди Консейсау.
Биринчи ўйин 1:1 ҳисобидаги дуранг билан якунланган эди.
