"Сантос" президенти Неймар ЖЧ-2026'га қадар клубда қолишини истисно қилмади.
Ҳужумчининг клуб билан амалдаги шартномаси июнь ойи охиригача мўлжалланган.
"Муҳокама қилганларимиздан келиб чиқиб, агар у ва "Сантос" хоҳласа, у келаси йилги жаҳон чемпионатига қадар қолишини ҳисобга олган ҳолда келишувни узайтиришимиз учун жуда яхши имконият бор. Асосий лойиҳа олти ойга мўлжалланган ва унинг ҳаётийлиги билан, ҳозирги вазиятни ҳисобга олган ҳолда, шартномамизни узайтириш имкониятлари жуда катта.
Неймарнинг жароҳати вазиятга таъсир қилмайди. Лойиҳа бор ва бу иш унинг ўйнаши ёки ўйнамаслигига боғлиқ эмас. Биз барчасини таҳлил қилишимиз ва ҳисоб-китоб қилишимиз керак - изчиллик, Неймарнинг қолишидан келадиган фойда.
Биз доим Неймарга таянишни хоҳлаймиз. У катта иш қилди. Умид қиламизки, ушбу муваффақият туфайли у қайтиш имкониятига эга бўлади," - деди Марсело Тейшейра TV Globo'га берган интервьюсида.
