Кингсли Коман фаолиятини Саудия Арабистонида давом эттиришни истамоқда.
Sky Sport журналисти Флориан Плеттенбергнинг хабар беришича, Саудия Арабистонининг тўрт етакчи клуби "Бавария" вингерини қўлга киритишга жиддий ҳаракат қилмоқда. Бу трансфер мюнхенликларга 50 миллион евродан ортиқ даромад келтириши мумкин, футболчининг ўзи эса тахминан 25 миллион евро "тоза" маош олиши мумкин.
Франциялик футболчига "Арсенал" ҳам қизиқиш билдирмоқда. Агар саудияликлар билан келишув амалга ошмаса, Коман Лондон клубига ўтиши мумкин.
Жорий Бундеслига мавсумида Кингсли 24 та ўйинда иштирок этди, 5 та гол урди ва 4 та голли пас берди.













