"Реал" Ла Лиганинг 33-туридан ўрин олган "Хетафе"га (1:0) қарши ўйин охирида пенальти тепиши мумкин эди.
Иккинчи бўлимга қўшиб берилган дақиқаларда ҳимоячи Исмоил Бекуша ўз жарима майдонида меҳмонлар вингери Родригони елкасидан ушлаб қолди ва бразилиялик футболчи майдонга йиқилди. Бош ҳакам Хосе Мария Санчес Мартинес ўйинни тўхтатмади.
Жавоб ҳужумида "Хетафе" гол уриш имкониятига эга бўлди: Альваро Родригес дарвозадан ўн олти метр масофада тўпни кўкраги билан тўхтатди ва дарҳол зарба берди. Тибо Куртуа тўпни қайтарди, Коба Да Коста яна зарба беришга уриниб кўрди, бироқ зарба ноаниқ чиқди.














