"Ливерпуль" футболчиси Федерико Кьеза клубга келганидан бир йил ўтиб кетиши мумкин.
Италиялик футболчи "қизиллар"нинг асосий таркиб футболчисига айлана олмади: у бутун мавсум давомида атиги 12 марта майдонга тушди, Англия Премьер-лигасида эса атиги тўрт марта майдонга тушди ва бирорта ҳам асосий таркибдан ўрин олмади. Calciomercato нашрининг хабар беришича, Кьеза келаси ёзда А Серияга қайтишни истамоқда. Унга "Рома," "Интер" ва "Наполи" клублари қизиқиш билдирмоқда.
"Ливерпуль" Федерико Кьезани ўтган йилнинг августида "Ювентус"дан 12 млн евро эвазига сотиб олганди. Transfermarkt талқинига кўра, 27 ёшли футболчининг айни дамдаги нархи 18 млн еврога тенг.
