"Барселона" бош мураббийи Ханс-Дитер Фликнинг жамоа ҳужумчиси Пау Виктор бўйича позицияси маълум бўлди.
Diario Sport нашрининг таъкидлашича, германиялик мутахассис Викторга ишонмоқда ва уни сотишни режалаштирмаяпти. Манбага кўра, январь ойида Флик клуб спорт директори Декуга ҳужумчи бўйича ҳар қандай таклифни рад этиш ҳақида кўрсатма берган.
Жорий мавсумда 23 ёшли Виктор барча мусобақаларда 24 та ўйинда майдонга тушиб, 2 та гол урди ва 1 та голли узатмага муаллифлик қилди.
Ҳужумчининг "Барселона" билан шартномаси 2029 йилгача мўлжалланган. Transfermarkt мутахассислари футболчининг нархини беш миллион еврога баҳоламоқда.
