Лондоннинг "Арсенал" клуби ёзги трансферлар даврида янги ҳужумчи сотиб олмоқчи.
"Канонирлар"нинг асосий нишонлари Лиссабоннинг "Спортинг" клубидан шведлар Виктор Дьёкереш ва "Ньюкасл"дан Александр Исак ҳисобланади, аммо иккала ўйинчига ҳам бошқа даъвогарлар бор, иккинчисида эса жуда юқори нарх ҳам жиддий муаммо бўлиши мумкин. Football Transfers хабарига кўра, "Арсенал"да Олли Уоткинс ("Астон Вилла") ва Лиам Делап ("Ипсвич") Дьёкереш ва Исак бўйича музокараларда муваффақиятсизликка учраган тақдирда муқобил вариант сифатида кўрсатилган.
Transfermarkt портали 29 ёшли Уоткинсни 50 млн еврога, 22 ёшли Делапни эса 35 млн еврога баҳоламоқда.
