"Реал"нинг юлдуз ярим ҳимоячиси деярли 2 йилдан буён жароҳат билан ўйнамоқда.
Спорт шифокори Дмитрий Бабелюк 2023 йилда содир бўлган елкасининг чиқиши туфайли Жуд Белингемга жарроҳлик амалиёти кераклигини айтди.
У Евро-2024да ўйнашни истаб, жарроҳлик амалиётидан воз кечишга қарор қилган. Шифокорнинг айтишича, у доим елкасини боғлаб юради ва ўзини ноқулай ҳис қилади.
"У доимий равишда жароҳатланган елкасини боғлаб олади, бу эса унга мунтазам равишда ноқулайлик туғдиради, жарроҳлик амалиёти ва тикланиш кўп вақт олиши сабаб бу иш чўзилмоқда," - дея тушунтирди шифокор.
Операциядан тикланиш учун уч ойдан кўпроқ вақт керак бўлади.
"Маълумки, елка бўғимининг бўғим лабини маҳкамлаш бўйича жарроҳлик аралашувидан кейин тикланиш учун футболчига уч ойдан кўпроқ вақт кетиши мумкин," - деди шифокор.
Айни вақтда Жуд Беллингем "Реал"нинг 46 та ўйинида майдонга тушиб, 13 та гол урган ва 13 та голга ҳаммуаллифлик қилган.
