"Ньюкасл" келаси ёзда "Ипсвич" ҳужумчиси Лиам Делапни сотиб олмоқчи.
The Telegraph нашри хабарига кўра, "Ньюкасл" скаутлари Делапни "Манчестер Сити" академиясида таҳсил олган вақтидан бери кузатиб келишган.
Делап шартномасининг ўзига хос жиҳати шундаки, "Ипсвич"нинг қуйи лигага тушиб кетиши тасдиқланганидан кейин Лиамни 30 миллион фунт стерлингга трансфер қилиш мумкин, бу "Ньюкасл"нинг фикрича, юқори лигада 12 та гол урган футболчи учун яхши нарх.
"Сент Жеймс Парк"да 22 ёшли инглиз футболчиси мавсум охирида шартномаси тугайдиган 33 ёшли Каллум Уилсоннинг ўрнини эгаллаши мумкин.
Манбанинг қўшимча қилишича, Делап "Ньюкасл"га ўтишни кўриб чиқади, айниқса "қарғалар" Чемпионлар лигасига йўл олишса.
