Ўзбекистон футбол ассоциацияси майдонида “Ҳакамлар академияси”га кириш имтиҳонлари бошланди.
Мазкур синовларда Қорақалпоғистон Республикаси, вилоятлар ҳамда Тошкент шаҳридан ташриф буюрган ёш ва иқтидорли ҳакамликка қизиқувчилар иштирок этмоқда.
Синов жараёнига старт берилишидан олдин Ҳакамлар қўмитаси раиси Бобур Ҳайдаров сўзга чиқиб, иштирокчиларга омад тилади ҳамда синов жараёнлари мутлақо шаффоф ва адолатли тарзда ўтишини алоҳида таъкидлади.
Тадбир давомида тажрибали инструктор Александр Попов синов жараёнлари тартиби, баҳолаш мезонлари ва ҳакамлик қоидалари ҳақида батафсил маълумот берди.
