"Челси" ярим ҳимоячиси Коул Палмерга "Ливерпуль" ва "Манчестер Сити" клублари қизиқиш билдирмоқда, дея хабар бермоқда CaughtOffside.
Манбанинг хабарига кўра, мерсисайдликлар 22 ёшли ҳужумкор ярим ҳимоячини трансфер қилиш имкониятини кўриб чиқмоқда.
Бундан ташқари, футболчига Палмернинг собиқ жамоаси "Манчестер Сити" ҳам қизиқмоқда. Таъкидланишича, "шаҳарликлар" лондонликлар футболчиси юзасидан суриштирув ўтказган.
Шу билан бирга, Филлипс "Челси" футболчини қўйиб юборишига ишончи комил эмас.
Ўтган ёзда Палмер "Манчестер Сити"дан "Челси"га 45 миллион евродан кўпроқ эвазига ўтган эди.
Жорий мавсумда Коул 39 та ўйинда майдонга тушиб, 14 та гол ва 9 та голли узатмага муаллифлик қилган.
