"Манчестер Сити" бош мураббийи Хосеп Гвардиола "шаҳарликлар" турнирнинг ушбу босқичига йўл олса, ярим ҳимоячи Родри Англия кубоги финал ўйинида иштирок эта оладими, деган саволга жавоб берди. Эслатиб ўтамиз, ўтган йилнинг сентябрь ойида испаниялик футболчи хочсимон пайларини узиб олган эди.
"Билмадим. У биз билан ҳар куни машғулотни ўтказади ва ҳаммасини яхши бажаради. Лекин, ростини айтсам, билмайман. Родри ўйнашни хоҳлайди, лекин шифокорлар менга: "Пеп, унга бир неча дақиқа бериш учун сенга яшил чироқ берамиз" ёки шунга ўхшаш нарсаларни айтишлари керак. Бундай ҳолатда мен шифокорларга суянаман," - деди Гвардиола матбуот анжуманида.
Англия кубоги ярим финалида "Манчестер Сити" "Ноттингем Форест"га (27 апрель) қарши баҳс олиб боради. Турнир финали 17 май куни бўлиб ўтади.
