"Барселона" раҳбарияти 36 ёшли Роберт Левандовски ўрнига янги ҳужумчи сотиб олиш имкониятини кўриб чиқмоқда. Бу ҳақда Испаниянинг Marca нашри хабар бермоқда.
Харид учун номзод Мадриднинг "Атлетико" клубидан 25 ёшли аргентиналик Хулиан Альварес ҳисобланади. Қайд этилишича, ўйинчининг ўзи бу трансферга тайёр эмас. Альварес бир йил ичида шаҳар ва жамоага тўлиқ мослашди, бу ерда унинг роли тобора ортиб бормоқда.
Жорий мавсумда Альварес барча мусобақаларда 50 та ўйинда майдонга тушиб, 27 та гол урди ва 5 та голли узатмани амалга оширди. Унинг клуби 66 очко билан чемпионатда учинчи ўринда бормоқда.
