"Реал" "Сандерленд" ярим ҳимоячиси Жоб Беллингемга қизиқиш билдирмоқда, деб ёзади Marca.
Англиялик футболчи ўз ўйини билан Европанинг бир қатор грандлари эътиборини тортди, улар орасида унинг акаси Жуд тўп тепаётган "Реал" ҳам бор.
Жорий мавсумда Чемпионшипда мавсумнинг энг яхши ёш футболчиси деб топилди.
Жоб "Сандерленд" сафида 2023 йилнинг июлидан буён тўп тепиб келмоқда. Унинг шартномаси 2028 йилнинг 30 июнига қадар амал қилади, Transfermarkt портали уни 22 млн еврога баҳоламоқда.
Жорий мавсумда Беллингем инглиз клуби сафида 39 та ўйинда 4 та гол ва 3 та голли узатмага муаллифлик қилди.
