"ПСЖ" ҳужумчиси Усмон Дембеле Чемпионлар лигаси плей-офф босқичида франциялик тўпурарлар тўртлигига кирди, деб хабар беради УEФА сайти.
29-апрель, сешанба куни Дембеле Европа Чемпионлар Лигаси яримфиналининг биринчи ўйинида Англиянинг “Арсенал” клубига (1:0) қарши ўйинда парижликларнинг ягона голига муаллифлик қилди.
Бу гол Усмон Дембеленинг Чемпионлар лигаси плей-офф босқичидаги фаолиятидаги тўққизинчи гол бўлди. Бу кўрсаткич бўйича у Зинедин Зидан ва Антуан Гризманни ортда қолдирди. Ҳозир Усмон Дембеле бор-йўғи учта футболчидан ортда қоляпти: Карим Бензема (34 гол), Килиан Мбаппе (24) ва Тьерри Анри (12).
