Мадриднинг "Реал" клуби икки нафар тажрибали футболчи – ярим ҳимоячи Лука Модрич ва ҳимоячи Лукас Васкеснинг келажаги борасида бир қарорга келди.
AS нашри хабарига кўра, бу футболчиларнинг клублар ўртасидаги жаҳон чемпионати ўйинларида иштирок этишлари учун шартномалари икки ҳафтага узайтирилади. Бу футболчиларнинг келажакдаги истиқболларига келсак, ҳаммаси ноаниқ.
Ёзда 34 ёшга тўладиган Лукас Васкесга ўнг қанот ҳимоячиси Трент Александр-Арнольд келиши мумкинлиги сабабли ўз шаҳри клубида қолиш қийин кечади. 39 ёшли Лука Модричга келсак, келаси мавсум учун шартномасини узайтириш учун у нафақат маош бўйича ён беришлари, балки ёрдамчи ёки ҳатто учинчи пландаги ролга ҳам рози бўлиши керак. Модричнинг ЖЧ-2026да ўйнаш истагини ҳисобга олсак, бунга рози бўлмаслиги мумкин.
