Пеп Гвардиола Родрини қачон майдонда кутиш мумкинлигини айтди.
Кеча "Манчестер Сити" ярим ҳимоячиси тиззасининг хочсимон бойлами йиртилиб кетганидан сўнг машғулотларга қайтганди.
"Физиотерапевт ва шифокор Родрининг майдонга тушиши мумкинлигини айтган заҳоти у ўйин дақиқаларини ола бошлайди. Лекин бу ҳақда менга шифокорлар айтиши керак.
Бу оғир жароҳат эди. Шифокорларнинг айтишича, тикланиш 7-11 ой давом этади. У ўзини яхши ҳис қилмоқда, ҳар куни кўплаб машғулотлар ўтказмоқда, аммо жароҳат такрорланмаслиги учун аста-секин ҳаракат қилишимиз керак," - деди "Манчестер Сити" бош мураббийи.
