"Милан" ва "Реал" каби клубларнинг собиқ ярим ҳимоячиси Кларенс Зеедорф Симоне Индзагининг "Интер" бошқарувидаги фаолиятини юқори баҳоламоқда. Жамоанинг Чемпионлар Лигаси ярим финалида "Барселона"га қарши ўйини унда катта таассурот қолдирди.
"У аллақачон шаклланиб бўлган мураббий, ҳозирда у Европанинг энг яхши мураббийларидан бири. Сўнгги тўрт йил давомида "Интер" доимий равишда муҳим ўйинлар ўтказиб келмоқда - Чемпионлар Лигасида ҳам, чемпионатда ҳам. Ҳаммаси жуда яхши, Индзаги максимал даражада жамоани яхши бошқармоқда," - дея Зеедорфнинг сўзларини келтиради pianetamilan.it.
