"Челси" ҳужумчиси Кристофер Нкунку Англия Премьер-лигасининг бошқа клубига ўтиши мумкин.
Яқинда франциялик футболчининг ўйин амалиёти етишмаслиги сабабли тез орада "кўклар" сафини тарк этиши ҳақида хабарлар тарқалди. TBR Football хабарига кўра, форварднинг вакиллари аллақачон унинг хизматларини "Арсенал," "Тоттенхэм" ва "Астон Вилла"га таклиф қилган. Ҳозирча келтирилган клублар учун бундай имконият қанчалик қизиқарли экани аниқ эмас.
Transfermarkt мутахассислари талқинига кўра, Кристофер Нкункунинг трансфер нархи 45 млн еврони ташкил қилмоқда. 27 ёшли футболчининг "Челси" билан амалдаги меҳнат шартномаси 2029 йилнинг ярмигача мўлжалланган.
