"Манчестер Юнайтед" ярим ҳимоячиси Бруну Фернандеш Европа Лигаси ярим финалидан ўрин олган "Атлетик" Бильбаога (3:0) қарши ўйиннинг қаҳрамонларидан бирига айланди.
"Қизил иблислар" сардори басклар жамоаси дарвозасига иккита тўп киритди. Португалиялик футболчи жорий мавсумда 35 та самарали ҳаракатни амалга оширди (19 гол ва 16 голли узатма).
"30 га яқин гол ва ассистларим борлигини билардим, аммо аниқ рақамни билмасдим. Бу менинг ўйинимнинг муҳим таркибий қисми, мен жавобгарликни ўз зиммамга олишим керак. Клуб мени "Спортинг"да бир мавсумда 32 та гол урганим учун сотиб олган", - деди Фернандеш TNT Sports нашрига берган интервьюсида.
