Эрик Дайер ушбу мавсумдан кейин "Бавария"ни тарк этади.
Немис клуби ва 31 ёшли ҳимоячи футболчининг шартномаси тугаши сабабли йўлларини ажратишади.
"Биз Эрик билан шартномани узайтириш борасида музокаралар олиб борган эдик. У бизга шартномани узайтирмаслигини ва клубни тарк этишини маълум қилди. У ажойиб йигит. Биз бирга вақтни ажойиб ўтказдик. Умид қиламанки, у "Бавария"даги вақтини илк чемпионлиги билан якунлайди", - дейди мюнхенликлар спорт директори Кристоф Фройнд.
Бу мавсумда Дайер Бундеслигада 18 та ўйинда майдонга тушиб, 1 та гол ва битта голли узатмани амалга оширди.
