Мануэль Пеллегрини "Бетис"нинг Конференциялар лигасининг биринчи ярим финалида "Фиорентина" устидан қозонилган кичик 2:1 ҳисобидаги ғалабасидан мамнун бўлди.
"Мақсадимиз ғалаба қозониш эди, энди Флоренцияда финал йўлланмасини қўлга киритишга ҳаракат қиламиз. Биз яхши ўйнаб ғалаба қозондик, у ерда ҳам натижага эришишимиз керак. Жамоанинг ўйинидан жуда мамнунман.
Мен жавоб ўйинини тенг деб биламан, шу кунгача қандай бўлса, рақибда деярли ҳеч қандай имконият бўлмаган. Биз характер кўрсатдик, ғалаба қозониш учун ўйнадик. Флоренцияда ҳам шундай қиламиз", - деди Пеллегрини.
Қўшимча қиламизки, жавоб ўйини 8 май куни бўлиб ўтади.
