Ёш дарвозабон Йонас Урбиг "Бавария"да Мануэль Нойернинг вориси сифатида мустаҳкам ўрнашиб олганлиги сабабли, исроиллик дарвозабон Даниэль Перец ўйин вақтини бошқа жойдан излашга мажбур бўлади.
Sky Germany хабарига кўра, 24 ёшли дарвозабонга ҳозирда Иккинчи Бундеслига турнир жадвалида 2-ўринда бораётган ва немис футболи элитасига қайтиш учун курашаётган "Гамбург" қизиқиш билдирмоқда. Клуб Перецнинг трансферини фақат Бундеслигага чиққан тақдирдагина кўриб чиқмоқда.
Перецнинг ўзи тўлиқ трансферга тайёр. Унга бошқа клублар, хусусан, "Айнтрахт" ҳам қизиқиш билдирмоқда. "Бавария" сотиш вариантини кўриб чиқишга тайёр, бироқ шартномага қайтариб сотиб олиш вариантини киритишга ҳаракат қилмоқда.
