"Арсенал" бош мураббийи Микель Артета ярим ҳимоячи Жоржиньонинг аҳволи ҳақида гапирди. Футболчи охирги марта 12 апрель куни майдонга тушганди. Кейин эса Жоржиньо кўкрак қафасидаги оғриқлардан шикоят қилди. Кейинчалик матбуот 33 ёшли италияликнинг ўпкаси тешилганини ёзди.
"Бу кутилганидан бироз мураккаброқ бўлиб чиқди. Жоржиньо яхши, у яхши тикланмоқда. У бу мавсумда ўйнайдими? Менимча, у ўйнамаса керак. Агар ҳаммаси яхши бўлса, у яқин ҳафтада майдонга тушади", - деди Артета матбуот анжуманида.
3 май, шанба куни “Арсенал” ўз майдонида АПЛ доирасида “Борнмут”га қарши ўйин ўтказади.
