Португалиялик мутахассис Жорже Жезуш расман Саудия Арабистонининг "Ал-Ҳилол" клуби бош мураббийлигидан кетди. Бу ҳақда клуб матбуот хизмати хабар берди. Жамоанинг вақтинчалик мураббийи этиб Муҳаммад ал-Шалҳуб тайинланди, у португалияликнинг ёрдамчиси эди.
Жезуш 2023 йилдан бери "Ал-Ҳилол"ни бошқариб келаётганди. Ўтган мавсумда жамоа Саудия Арабистони чемпионлигини қўлга киритди ва Қирол кубоги соҳибига айланди.
Саудия Арабистони чемпионатининг жорий мавсумида "Ал-Ҳилол" турнир жадвалида иккинчи ўринда бормоқда. Жамоа ҳисобида 29 учрашувда 62 очко бор.
