Букайо Сака "ПСЖ" уни ҳайратда қолдирганини айтди.
"Арсенал" Чемпионлар Лигаси ярим финал дастлабки баҳсида парижликларга имкониятни бой бериб қўйди (0:1).
Шу билан бирга, жамоалар 2024 йил октябрь ойида ҳам умумий босқичда тўқнаш келишган ва ўшанда "канонирлар" 2:0 ҳисобида ғалаба қозонган эди.
"Бу гўёки бошқа жамоа эди.
Биламан, улар аввалроқ бизга қарши ўйнаган жамоанинг фақат икки футболчисини алмаштирган, аммо улар қанчалик жипслашганини, қандай ҳаракатланаётганини, тўпни қандай бошқараётганини кўриб турибсиз. Улар анча яхши эди. Улар менда катта таассурот қолдирди.
Уларда яхши мураббий ва сифатли ўйинчилар бор, ҳужум зонаси ва ярим ҳимояда кўплаб хавфлар мавжуд. Улар тўпни жуда яхши ушлашади, сени югуришга мажбур қилишга уринишади. Тўғрисини айтсам, ҳеч ким югуришни ёқтирмайди, деб ўйлайман," - деди "Арсенал" вингери Букайо Сака Sky Sports'га берган интервьюсида.
