"Манчестер Юнайтед"нинг собиқ бош мураббийи Оле-Гуннар Сульшер "Олд Траффорд"ни тарк этганидан бери у билан фақат учта ўйинчиси гаплашганини айтди.
"Манчестер Юнайтед" 2021 йилнинг ноябрида Сульшерни истеъфога чиқарди, Оле-Гуннар "қизил иблислар" Премьер-лигада иккинчи ўринни эгаллаган мавсумдан кейин муваффақиятга эриша олмагани учун истеъфога чиқарганди.
Сульшернинг сўзларига кўра, ўша пайтдаги барча "Манчестер Юнайтед" футболчиларидан фақат Гарри Магуайр, Бруну Фернандеш ва Виктор Линделёф Оле-Гуннарнинг ишдан бўшатилганидан кейинги ҳолати ҳақида сўрашган.
"Менинг фикримча, Гарри ҳар доим етакчи ва жангчи бўлган. Мен у билан шартнома имзолаганимда ҳеч қачон шубҳа қилмаганман. У биз учун сардор бўлиши аниқ эди.
Брунуда яна бир сардор. Уларнинг иккаласи ҳам юқори тоифадаги инсонлар. Мен кеча улар учун жуда хурсанд бўлдим ("МЮ" Европа Лигасида "Атлетик"ни мағлуб этганида).
Ўша иккиси ва Виктор мен клубдан кетганимдан бери гаплашган ягона одамлардир. Улар учун энг яхшисини тилайман" - деди Сульшер BBC билан суҳбатда.
