"Пари Сен-Жермен" вингери Усмон Дембеле Чемпионлар Лигаси ярим финалидан ўрин олган Лондоннинг "Арсенал" клубига қарши жавоб ўйинигача тўлиқ соғайиб кетишига умид қилмоқда.

Айнан 27 ёшли француз ўтган ҳафта Лондонда бўлиб ўтган жамоаларнинг биринчи тўқнашувида ягона гол муаллифига айланди. 70-дақиқада футболчи жароҳат туфайли алмаштирилди, шунингдек, у яқинда бўлиб ўтган Лига 1 доирасидаги "Страсбург"га қарши ўйинда ҳам майдонга тушмади. Djmeel'нинг ёзишича, ҳозирда Дембеле ўзини ноқулай ҳис қилмаяпти. Душанба куни парижликлар юлдузнинг тайёргарлигини машғулотларда текшириб кўришади, кейин эса унинг чоршанба куни "Арсенал" билан бўладиган учрашувда иштирок этиши борасида бир қарорга келишади. Футболчининг ўзи "канонирлар" билан ўйнашга қатъий бел боғлаган.