"Ювентус" жамоаси бош мураббийи Игор Тудор жамоасининг "Болонья"га (1:1) қарши ўйиндаги ҳаракатлари ҳақида ўз фикрларини билдириб ўтди.
"Бьянконерилар" 9-дақиқада Кефрен Тюрамнинг саъй-ҳаракатлари билан ҳисобда олдинга чиқиб олган бўлса, иккинчи бўлимда мезбонлар ҳисобни тенглаштиришга муваффақ бўлди.
"Бу ерда ўйнаш ҳар доим ҳам осон эмас. Дурангдан мамнунман. Бу стадионда кўпчиликка қийин бўлади, биз эса муносиб ўйин кўрсата олдик. Олдинга қараймиз, энди "Лацио" билан ўйинга ишонч билан ёндашиш керак," - деди Тудор матбуот анжуманида.
