"Yuventus" jamoasi bosh murabbiyi Igor Tudor jamoasining "Bolonya"ga (1:1) qarshi o‘yindagi harakatlari haqida o‘z fikrlarini bildirib o‘tdi.
"Byankonerilar" 9-daqiqada Kefren Tyuramning sa’y-harakatlari bilan hisobda oldinga chiqib olgan bo‘lsa, ikkinchi bo‘limda mezbonlar hisobni tenglashtirishga muvaffaq bo‘ldi.
"Bu yerda o‘ynash har doim ham oson emas. Durangdan mamnunman. Bu stadionda ko‘pchilikka qiyin bo‘ladi, biz esa munosib o‘yin ko‘rsata oldik. Oldinga qaraymiz, endi "Lasio" bilan o‘yinga ishonch bilan yondashish kerak," - dedi Tudor matbuot anjumanida.
