Душанба куни Трент Алехандер-Арнольд мавсум охирида "Ливерпул"ни тарк этиш қарорини эълон қилди. 26 ёшли футболчи фаолиятини “Реал”да давом эттириши аниқ.
Трент "Лос-Бланкос" сафига июнь ойи бошида, клублар ўртасидаги жаҳон чемпионати олдидан қўшилиши мумкин. "Ливерпул"да Трентнинг келажаги ҳақидаги қароридан ҳафсаласи пир бўлганлар кўп бўлди.
Popworld тунги клуби ҳатто футболчига нисбатан санкциялар қўллаган - Александр-Арнольд энди кўнгилочар масканга киритилмаслиги эълон қилинди. Айтиш жоизки, Трентнинг "Ливерпул"ни тарк этиши ҳақидаги хабар кутилмаган ҳол эмас эди. Матбуот анчадан буён ҳимоячини "Реал Мадрид"га ўтиши ҳақида гапириб келаётганди.
